Chelsea bëri një paraqitje të madhe të mërkurën mbrëma duke e mposhtur në shtëpi ekipin e Milan me rezultat 3-0, në kuadër të Ligës së Kampionëve.
Golat për Blutë u shënuan nga Fofana, James dhe Aubameyang, mirëpo mbrojtësi anglez pati një paraqitje fantastike duke dhënë edhe një assist për Aubameyang dhe loja e tij në aspektin defansiv ishte për duartrokitje, duke marrë parasysh se përballë kishte një sulmues tejet të papërshtatshëm si Rafael Leao.
Edhe ky i fundit pati disa fjalë për Reece, duke thënë se është mbrojtësi më i vështirë që portugezi është përballur deri më tani.
“Mendoj se ky djalosh është më i vështiri me të cilin jam takuar deri më tani”, ka thënë Leao.
Në grupin E as Chelsea e as Milan nuk janë lider, të cilat pas 3 ndeshjeve kanë nga 4 pikë dhe janë në ndjekje të Salzburg që kanë një më shumë, ndërsa në vend të fundit është Dinamo Zagreb me 3.
