Një delegacion i LDK-së udhëhequr nga nënkryetari Lutfi Haziri kanë zhvilluar një takim mea mbasadorin e Finlandës, Matti Nissinen i cili ishte i shoqëruar nga delegacioni i Ministrisë së Punëve të Jashtme të Finlandës dhe Fondacioni për Paqe “Marti Ahtisari” – CMI.
Dialogu Kosovë-Serbi ishte temë diskutimi në këtë takim.
Nga LDK u tha se mbështesin implementimin e të gjitha marrëveshjeve të arritura në dialog.
“Nënkryetari Haziri ka ritheksuar qëndrimin e LDK-së mbi procesin e dialogut për mbështetjen e këtij procesi me ndërmjetësimin e BE-së dhe me përfshierjen e drejtpërdrejtë të SHBA-së. LDK po ashtu mbështet implementimin e të gjitha marrëveshjeve që janë arritur në këtë proces”, thuhet në njoftim.
“LDK përsërit që Kosovës i duhet një marrëveshje përfundimtare e përqëndruar te njohja e ndërsjellë dhe asnjë marrëveshje tjetër nuk garanton normalizim të marrëdhënieve Kosovë-Serbi”, thuhet tutje.
