Shefja e Grupit Parlamentar të Lidhjes Demokratike të Kosovës, Jehona Lushaku-Sadriu, ka thënë se nuk do të përkrahin Projektligjin për buxhetin për vitin 2026.
Ajo në seancën e sotme të Kuvendit, tha se kanë paraqitur 21 amendamente për buxhetin, por të cilat nuk kanë gjetur përkrahje në komisione parlamentare.
Megjithatë, Lushaku kërkoi që amendamentet të hidhen në votim, pasi adresojnë probleme reale të qytetarëve.
“Ne kemi paraqitur 21 amendamente për Projektligjin për buxhetin për vitin 2026. Këto amendamente nuk kanë kaluar në Komisionin për Buxhet, mirëpo ne ju bëjmë thirrje t’i vendosni amendamentet tona për votim në Kuvend. Besojmë thellësisht se amendamentet tona adresojnë problemet reale të qytetarëve. Kanë të bëjnë me arsimin, investimet kapitale, rrjetet e digjitalizimit. Përndryshe, buxhetin si të tillë nuk e votojmë dhe nuk e përkrahim”, tha ajo.
