Në këto takime, LDK-ja ka rikonfirmuar qëndrimin e saj rreth procesit të dialogut, se Kosovës nuk i duhet një marrëveshje bazë me Serbinë që nuk e ka njohjen reciproke.
“Vendit tonë i duhet një marrëveshje përfundimtare që në thelb ka njohjen e ndërsjellë ndërmjet dy vendeve – si shtete të pavarura e sovrane. Çdo devijim nga ky orientim strategjik është papërgjegjësi e pariparueshme e Qeverisë aktuale”, ka shkruar Abdixhiku.
Abdixhiku ka shkruar se në këtë proces, koordinimi i ngushtë me aleatë mbetet jetik për të ardhmen euroatlantike të vendit.
