Në njoftimin për media nga LDK-ja kanë thënë se me këtë iniciativë dhe mbështetje të Fondacionit gjerman Konrad Adenauer, Zyra në Kosovë, u organizua një tryezë diskutimi me temën: Politikat dhe veprimet kundër dhunës seksuale dhe ngacmimit seksual në Kosovë, ku morrën pjesë kryetarja e Forumit të Gruas, Jehona Lushaku dhe deputetja, Doarsa Kica Xhelili.
“Përveç konfirmimit që jemi duke u ballafaquar me një urgjencë nacionale, u rikonfirmua edhe domosdoshmëria që të ketë një riaktivizim mbi një çasje praktikisht proaktive në këtë drejtim”, thuhet në njoftim.
Nga LDK-ja kanë thënë se vonesat që rrjedhin nga lëndët e shumta në trajtimin e këtyre rasteve, po shërbejnë si dekurajim për viktimat që t’i raportojnë këto krime.
“Ekzistimi i rasteve të recedivizmit të pandëshkuar është tejet shqetësues, sikurse janë veprimet e ndërmarra në përgjithësi në fazën parapenale. Vonesat që rrjedhin nga lëndët e shumta në trajtimin e këtyre rasteve, po shërbejnë si dekurajim për viktimat që t’i raportojnë këto krime, sikurse po shërbejnë për një lloj amnistie që po i bëhet kryerësve të këtyre veprave, sidomos me parashkrimin e lëndëve. Problem del të jetë edhe forma e trajtimit të rasteve me rastin e raportimit në Policinë e Kosovës”, thuhet më tej në njoftimin e LDK-së. /teve1.info/
Postimi i plotë:
