Zemaj ka thënë se ky është njëri prej kodeve me të rëndësishme që rregullon jetën tonë në aspektin civil.
“Kosova ka punuar gjatë në hartimin e Kodit Civil dhe është mbështetur nga partnerët që e kanë mbështetur Kosovën në funksionalizimin e drejtësisë. Është një prej kodit më të rëndësishëm që rregullon jetën tonë në aspektin civil. Ne e rregullojmë me Kod jetën civile në Kosovë, jo vetëm si detyrim ndaj integrimit në strukturat evropiane dhe euroatlantike por si rregullim i domosdoshëm i jetës tonë”, ka thënë ai.
I ftuar në emisionin “InfoNata” në Tëvë1, Zemaj tha se kur Qeveria aktuale të thotë fjalën e vet e jo sipas tij të ik nga deklarimet siç ka ndodhur herën e fundit në Kuvend.
“Raporti i kësaj mazhorance me atë ligj ka kaluar në tjetër nivel tjetër të diskutimit. Është përgjegjësi që Qeveria jo të ik nga deklarimet ose mazhoranca siç ka ndodhur herën e fundit në Kuvend, asnjë përgjigje deputetët e LVV-së, kur ka ardhur pika e votimit të këtij projektligji e kanë lëshuar sallën duke ikur qosheve ata janë përgjegjës dhe ata duhet ta thonë fjalën e vet. Kur ata të thonë fjalën e vet ne shohim qfarë mund të kontribuojmë si pjesë opozitare”, tha ai.
Sipas tij, derisa LVV-ja nuk e jep përgjigjen në Kuvend për Kodin Civil, edhe LDK-ja qëndrimin e saj do ta shpreh në seancën në të cilën del ligji për lexim të parë.
“Nuk mund të fshihet mazhoranca nga mosveprimi në obligimet shtetërore. Ne e presim këtë përgjigje nga ta. Derisa ata nuk japin përgjigje në Kuvend edhe LDK-ja qëndrimin e saj do ta shpreh në atë seancë në të cilën del ligji në lexim të parë”, ka deklaruar Zemaj. /teve1.info/
