Lidhja Demokratike e Kosovës ka njoftuar zyrtarisht prishjen e koalicionit me Lëvizjen Vetëvendosje në Mitrovicë.
Në një reagim nga kryetari i degës së LDK-së në këtë komunë, Gezim Plakolli thuhet se kjo ka ndodhur për shkak të mosrespektimit të marrëveshjes
“Lidhja Demokratike e Kosovës, Dega në Mitrovicë njofton opinionin publik se, për shkak të mosrespektimit të marrëveshjes për bashkëqeverisje dhe shpërfilljes së propozimeve zyrtare të Degës së LDK-së, ka marrë vendim për dalje nga koalicioni qeverisës. Emërimi i Drejtorit të Drejtorisë për Kulturë, Rini dhe Sport, i realizuar në mënyrë të njëanshme dhe pa asnjë paralajmërim nga Kryetari Peci, është në kundërshtim të plotë me dakordimet paraprake si dhe me propozimet e miratuara nga organet e LDK-së në Mitrovicë. Për këtë arsye, sqarojmë se ky emërim nuk e përfaqëson LDK-në dhe as Degën e saj në Mitrovicë”, ka shkruar ai.
Vendimi siç ka shkruar ai, është obligativ për të gjithë anëtarët e LDK-së në Mitrovicë, përfshirë edhe delegatët e LDK-së në Kuvendin Komunal të Mitrovicës.
Për këtë vendim ka reaguar kryetari i Mitrovicës së Jugut, Faton Peci.
“Me 3% nuk punon as iPhone –i”, ka shkruar ai, duke ju referuar rezultatit në zgjedhjet lokale që ka arritur LDK. /teve1.info/
/teve1.info/
