Laura Fazliu mposhtet në repesazh, mbetet pa medalje në Grand Slamin e Tbilisit

Xhudistja jonë, Laura Fazliu ishte e pafat në ndeshjen për medaljen e bronztë, pasi u mposht në repesazhin e Grand Slamin që po mbahet në Tbilisi të Gjeorgjisë.

Laura ishte xhudistja e radhës që po bënteë krenare Kosovën me suksesin e saj, por mungesa e fatit bëri që ajo të mos e fitojë medaljen.

Xhudistja 23-vjeçare u mposht në repesazhin për medaljen e bronztë në Grand Slamin e Tbilisit në kategorinë deri në 63 kilogramë.

Në ndeshjen e repesazhit, Laura ishte në epërsi prej një pike ndaj xhudistes holandeze, Joanne Van Lieshout, por pranoi dy ‘waza-ari’ duke u mposhtur me ippon.

Vlen të theksohet se edhe dje (e premte), medaljen e bronztë e fitoi xhudistja tjetër nga Kosova, Distria Krasniqi.