Ai këto deklarata i ka bërë gjatë vizitës në Federatën Pan-Shqiptare “VATRA”, Shoqatën humanitare “Peja”, shkollën shqipe “Alba Life”, në Nju York.
Bashkë me Latifin ishin edhe kryeministri i Kosovës, Albin Kurti zv.Ministrja e Punëve të Jashtme dhe të Diasporës, Liza Gashi.
“Në vizitën e përbashkët në Federatën Pan-Shqiptare “VATRA”, ministri Latifi, që është edhe anëtar i saj, veçoi 110 vjetorin e themelimit të Vatrës mbarshqiptare e paraprirë nga “Dielli” e “Kombi”, që i dhanë shqiptarëve në SHBA, e veçanërisht në trevat e tyre, vrullin dhe organizimin për liri deri në pavarësi. Ai tha se VATRA gjithmonë ka qenë dhe është shtylla kryesore e lobimit dhe organizimit të shtetndërtimit shqiptar, e cila jehon ende nga arritjet madhështore që janë arritur nga organizimi i aktiviteteve te saj. Ministri Latifi i ftoi shqiptarët në SHBA për bashkëpunim në synimin e tij madhor për transformimin e shëndetësisë së Kosovës”, thuhet në komunikatën e ministrisë.
Kurse në homazhet për vëllezërit Bytyqi, ministri Latifi kujtoi dëshmorët e kombit dhe heronjtë që nuk vdesin kurrë, të cilët lanë gjithçka në Amerikë dhe iu përgjigjën kushtrimit për t’u bashkuar me Ushtrinë Çlirimtare të Kosovës./teve1.info/
