Në “Këndin e Debatit” në Tëvë 1, Lama vlerëson se me këtë marrëveshje Serbia është një hap tutje drejt shtrirjes së autonomisë së veriut.
“Mendoj që të dyja herët ka qenë gabim Kurti. E para siç e pamë me sjelljet në Parlamentin e Kosovës por mbi të gjitha në lidhje me marrëveshjen që sot është nënshkruar ose me vazhdimësinë e marrëveshjes, por që shkon një hap më tej dhe duhet bër dallim nëse në 2013 flitet për krijimin e një kompanie serbe nuk thuhet në marrëveshje të shtetit serb. Sot kemi konfirmimin ose pranimin nga shteti i Kosovës që një kompani pronare e së cilës është Serbia të jetë pikërisht pronare. Është e regjistruar në Kosovë kompani fantome as private që ka një buxhet është krijuar për këtë çështje dhe është pronare Serbia. Në këtë mënyrë kjo marrëveshje në aspektin politik është një hap më tutje drejt autonomisë së veriut”, shtoi ajo.
Madje, Lama thekson se me këtë veprim shteti serb ka arritur që të kontrollojë tërësisht fushën e energjisë, për të cilën shton se është edhe pjesë e sigurisë së vendit.
“Është rrjedhje e sovranitetit, pra Serbia ia ka dalë që përmes kësaj marrëveshjeje të kontrollojë tërësisht fushën e energjisë që është çështje e sigurisë në pjesën veriore të Kosovë kështu që nuk jemi më në nivelin e 2013-ës por një hap tutje. Edhe atëherë mendoj se ishte e gabuar sepse ka qenë një lloj ndarje autonomie për komunat e veriut si në shumë çështje tjera”, tha ajo.
Sipas saj, me deklaratat e krerëve se po implementojnë marrëveshjet e atëhershme – po tentohet të kamuflohet kjo situatë.
“Por po mundohet krejt kjo të kamuflohet ose me akuza se ne po implelemtojmë marrëveshjen e atëhershme ose me mashtrime që qëytetarët serbë ose të Kosovës nuk do të pagujanë faturat e serbësve por kostoja ekonomike nuk është asgjë krahasuar me koston politike”, theksoi ajo.
Tutje, ajo u shpreh optimiste se kompanisë serbe nuk do t’i jepet licenca nga KOSST-i, sepse është në kundërshtim me marrëveshjen e 2013-ës.
“Kështu që mendoj se është betejë e fituar nga Serbia në Bruksel dhe shpresoj që të mos jepet licenca nga KOSTT-i gjë që vështirë të besohet në fakt sepse ata do të veprojnë sipas udhëzimeve të Qeverisë, por sepse ëshjtë në kundërshtim me marrëveshjen e 2013-ës”,tha ajo./teve1.info/
