Sipas saj, vizita e një kryeministri do të duhej të ishte prioritet më zyrtarë të lartë të SHBA-së. Lama tha se në aspektin politik, vizita e një kryeministri do të duhej të ishte prioritet me zyrtarë të lartë të shtetit amerikan.
“Nuk po them me presidentin se nuk është aq e lehtë, duhet arsye shumë e fuqishme por megjithëse presidenti e priti ambasadorin e Serbisë që nuk është e zakonshme fare…Nuk ka qenë në kuadrin e letrave kredenciale sepse ai i ka dorëzuar shumë më herët por ai ka qenë një veprim politik dhe diplomatik i presidentit Biden. Së paku një takim me zëvendëspresidenten apo sekretaren. Në rast se kryeministri arrin të takohet vetëm me kongresmenë dhe senatorë mendoj që në këtë aspekt është vizitë e dështuar apo ka ndonjë problem me administratën amerikane që nuk e pret në takime të rëndësishme”, tha ajo në emisionin “Këndi i Debatit” në Tëvë1.
Lama thotë se mosrealizimi i asnjë takimi të nivelit të lartë politik në SHBA, sipas saj, mund të lidhet me veprimet e Kurtit në të kaluarën apo të tashmen si çështja e dialogut apo refuzimi i gazit.
“… Deri tani nuk ka realizuar asnjë takim të rëndësishëm të nivelit politik dhe këto probleme mund të lidhen me veprimet e tij në të kaluarën apo në të tashmen si kryeministër, çështja e dialogut, refuzimi i gazit apo diskutimet e tij në parlamentin e Kosovës kur e quan shtëpinë e bardh, shtëpi e kuqe apo e verdh, shprehje që nuk janë të tolerueshme, sidomos me një shtet si SHBA-ja që janë ekzistencial për Kosovën. Mund të jetë një mënyrë për ti treguar shiko se ti i ke bërë këto gabime dhe duhet të ndryshosh”, tha Lama. /teve1.info/
