Këtë kërkesë Tahiri e paraqiti sot në Seancën e Kuvendit Kosovës teksa kërkoj nga Kurti të sqarojë se ku qëndron Kosova me liberalizim të vizave dhe se a e ka në plan për të kandiduar këtë vit për vend kandidat, raporton teve1.info.
“Unë kërkoj nga kryeministri dy çështje t’i sqarojë rreth kësaj teme, e para çka ka ndodhur dje në raport me liberalizimin e vizave dhe ku jemi dhe e dyta a e ka në plan me procedu kërkesën për vend kandidat duke e ditur se Ukraina dhe Moldova e kanë marrë këtë vendim nga Unioni Evropian si vendim politik e jo si vendim teknik… Prej kryeministrit i dua dy sqarime, e para ku jemi sot me liberalizim dhe ku është agjenda Evropiane dhe e dyta a e ka në plan për të kandiduar”, tha ai.
Tahirit thotë se liberalizimi i vizave është një arritje meritore e të gjitha qeverive veç e veç pasi që sipas tij tij të gjitha e kanë dhënë kontributin e vet.
Tutje në fjalën e tij në Kuvend, Tahiri në emër të grupit parlamentar të AAK-së kërkoi nga kryeministri ta përgatisë dokumentacionin për të aplikuar si vend kandidat në BE këtë vit.
“Kërkesa jonë si grup parlamentar është ta përgatis kandidaturën pra ta përgatisë dokumentacionin për vend kandidat dhe atë në këtë vit në mënyrë që ta shohim se cili do të jetë reagimi nga pala tjetër”, shtoi Tahiri./Teve1.info/