Ka përfunduar takimi i thirrur nga Ambasada amerikane në Prishtinë, ku u diskutua për Asociacionin.
Takimin më parë e kishte lëshuar ambasadori britanik, Nicholas Abbott si dhe shefi i Bashkimit Evropian në Kosovë, Tomas Szunyog.
Në këtë takim kanë marrë pjesë ministri i Shëndetësisë, Arben Vitia, ministrja e Arsimit, Arbërie Nagavci nga Lëvizja Vetëvendosje, si dhe ministrja e Punëve të Jashtme, Donika Gërvalla.
Po ashtu, në këtë takim Zyra e Kryeministrit u përfaqësua nga shefi i stafit të kryeministrit Albin Kurti, Luan Dalipi. Zyra e Kryeparlamentarit nga shefi i stafit të kryeparlamentarit Glauk Konjufca, Ilir Kërqeli. Ndërsa, nga Presidenca ishte Blerim Vela.
Pjesëmarrjen gjithashtu e patën kanë konfirmuar zëvendëskryeministrja Emilja Rexhepi, e ministri për komunitete dhe kthim, Nenad Rashiq.
Derek Chollet, Këshilltar i Departamentit të Shtetit të SHBA-së dhe Gabriel Escobar, i dërguari special i SHBA-së për Ballkanin Perëndimor, kanë thënë se koha për themelimin e Asociacionit të Komunave me shumicë serbe në Kosovë është tani.
Sipas tyre, duke punuar për themelimin e Asociacionit “Kosova do të realizojë një element kritik të nevojshëm për të ndërtuar të ardhmen e saj të drejtë si një vend sovran, multietnik dhe i pavarur, i integruar në strukturat euroatlantike”. /Teve1.info/