Morina në një lidhje direkte në Tëvë1, ka deklaruar se gjendja me vërshime ka qenë e jashtëzakonshme. Sipas tij, dëmet janë shkaktuar nëpër ekonomitë familjare, shtëpi e stalla.
“Ka qenë një gjendje pothuajse e jashtëzakonshme. Dëmet janë shkaktuar nëpër ekonomi familjare, ka vërshuar shumë shtëpi, podrume e stalla, dëmet nga vërshimet janë bukur të mëdha. Komuna e Rahoveci me të gjitha kapacitetet janë në terren. Po mundohemi t’i dalim në ndihmë qytetarëve duke i sanuar dëmet që janë shkaktuar”, tha ai.
Po ashtu, Morina u shpreh se në fillim ka pasur kërkesa për evakuim të qytetarëve, mirëpo sipas tij, me kalimin e kohës reshjet filluan të zvogëlohen dhe nuk kishte nevojë për intervenim me evakuim.
“Ka pasur disa kërkesa, mirëpo me kalimin e kohës reshjet filluan të zvogëlohen dhe niveli i ujit filloi të bie dhe nuk ka pasur nevojë të intervenohet me evakuim, po të vazhdonte edhe për pak minuta me reshje të tilla natyrisht se kanë qenë situata të paevitueshme edhe këto”, tha ai.
Ai shton se dëmet janë të mëdha në bujqësi. /teve1.info/