Ambasadori amerikan, Jeff Hovenier është deklaruar pas takimit të mbajtur për Asociacionin, me përfaqësues të Ekzekutivit, partive politike e organizatave jo qeveritare.
Në një postim në Twitter, Hovenier u është shpreh mirënjohës palëve të pranishme për pikëpamjet e tyre të treguara, përcjell teve1.info
Teksa theksoi se duhet të zbatohen të gjitha angazhimet e dialogut.
“Sot mbajtëm një seancë dëgjimore në ambasadën amerikane në Prishtinë për Asociacionin e Komunave me shumicë serbe. Mirënjohës ndaj palëve të ndryshme të interesuara të pranishëm për ndarjen e pikëpamjeve dhe ekspertizës së tyre. Ne vazhdojmë të avokojmë për zbatimin e të gjitha angazhimeve të dialogut”, ka shkruar ai.
Pak më parë, ka përfunduar takimi i thirrur nga Ambasada amerikane në Prishtinë, ku u diskutua për Asociacionin.
Në këtë takim të pranishëm ishin ambasadori britanik, Nicholas Abbott si dhe shefi i Bashkimit Evropian në Kosovë, Tomas Szunyog.
Po ashtu morën pjesë edhe ministri i Shëndetësisë, Arben Vitia, ministrja e Arsimit, Arbërie Nagavci nga Lëvizja Vetëvendosje, si dhe ministrja e Punëve të Jashtme, Donika Gërvalla.
Në këtë takim Zyra e Kryeministrit u përfaqësua nga shefi i stafit të kryeministrit Albin Kurti, Luan Dalipi. Zyra e Kryeparlamentarit nga shefi i stafit të kryeparlamentarit Glauk Konjufca, Ilir Kërqeli. Ndërsa, nga Presidenca ishte Blerim Vela. /Teve1.info/
Today we held a listening session @USEmbPristina on the Association of Serb-majority Municipalities. Grateful to the diverse stakeholders present for sharing their views and expertise. We continue to advocate for implementation of all Dialogue commitments. pic.twitter.com/5MSwKMzE89
— Ambassador Jeff Hovenier (@USAmbKosovo) January 31, 2023
