I dërguari i BE-së për dialogun Kosovës – Serbi, Mirolav Lajçak, ka thënë se situata në dialog dhe ajo në veri do të jenë diskutimet me partneret amerikanë dhe evropianë si dhe për të përcaktuar hapat e ardhshëm, pasi takimi i 14 shtatorit përfundoi pasueses.
Ai në një postim në Facebook, ka thënë se ka informuar ambasadorët e vendeve anëtare të BE-së në Bruksel për takimin.
“Situata në dialog, së bashku me situatën e tensionuar në veri të Kosovës do të jenë objekt i diskutimeve të ardhshme strategjike me partnerët tanë amerikanë dhe evropianë për të përcaktuar hapat tanë të ardhshëm. Pas takimit të nivelit të lartë, iu drejtova ambasadorëve të vendeve anëtare të BE-së në Bruksel. Unë jam mirënjohës për interesimin e tyre në dialog dhe për mbështetjen e tyre të fortë”, ka shkruar Lajçak.
Takimi i nivelit të lartë në Brukesl i mbajtur më 14 shtator ka përfunduar pa ndonjë rezultat.
Përfaqësuesi i Lartë i BE-së për Politikë të Jashtme dhe Siguri, Josep Borrell, tha se kryeministri i Kosovës, Albin Kurti nuk pranoi kompromisin e propozuar nga BE-ja, ndërsa presidenti serb, Aleksander Vuçiq po.
Por, Kurti pas takimit tha se ai dha një propozim për sekuencimin e marrëveshjes së Ohrit, ndërsa në takim u pati një kushtëzim nga Serbia, që të fillohej me formimin e Asociacionit, e që sipas
Kurtit ky kushtëzim u mbështet edhe nga Borrell e Lajçak.
