Administrata Tatimore e Kosovës ka njoftuar se është hapur afati për paraqitjen e ankesave për punëtorët e sektorit privat, kërkesat e të cilëve për përfitimin e mbështetjes financiare prej 100 eurosh nga Qeveria e Kosovës janë refuzuar.
Sipas njoftimit të ATK-së, ankesa mund t’i drejtohet Komisionit të Ankesave në Ministria e Financave brenda 30 ditëve nga data e pranimit të vendimit për refuzimin e kërkesës.
Institucioni ka bërë të ditur se formulari për paraqitjen e ankesës mund të plotësohet përmes platformës së dedikuar për parashtrimin e ankesave.
ATK u ka bërë thirrje të gjithë qytetarëve që besojnë se kërkesa e tyre është refuzuar padrejtësisht, të shfrytëzojnë të drejtën e ankesës brenda afatit të përcaktuar ligjor.
Formulari për ankesë mund të plotësohet përmes platformës për parashtrimin e ankesave, duke klikuar KËTU.
