Kandidatja e Lëvizjes Vetëvendosje, Albulena Haxhiu, ka dështuar të emërohet kryetare e Kuvendit të Kosovës, edhe pas përpjekjes së tretë.
Ajo mori 57 vota për, katër më pak se 61 të nevojshme.
Ndërkohë, kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.
Ai tha se seanca do të vazhdojë sërish më 25 prill në ora 10:00.
Lëvizja Vetëvendosje, partia fituese e zgjedhjeve, këmbëngul në kandidaten e saj Albulena Haxhiu, me gjithë kundërshtimet.
Opozita nuk ka ndërruar mendje.
Për emërimin e kryetarit të Kuvendit nevojiten 61 vota nga 120 deputetët e Kuvendit.
Në rast se Kuvendi konstituohet sot, atëherë do të hapet rruga për formimin e Qeverisë së re.
