Kuvendi i Kosovës po mban seancë të jashtëzakonshme, në të cilën do të trajtohen dy marrëveshje ndërkombëtare.
Kryekuvendari, Glauk Konjufca ka thënë se me urgjencë është kërkuar nga 40 deputetë që të trajtohen marrëveshja e kornizës ushtarake me Republikën e Turqisë dhe Programi për ujërat e zeza në Komunën e Ferizajt.
“Është dorëzuar një kërkesë për seancë të jashtëzakonshme nga 40 deputetë. Përmes saj do të trajtohen më urgjencë dy marrëveshje ndërkombëtare. Marrëveshja e kornizës ushtarake me Republikën Turke. Dhe tjetra për programin për ujërat e zeza në Komunën e Ferizajt“, ka thënë ai. /teve1.info/
