Kuvendi i Republikës së Kosovës do të organizojë aktivitetin tradicional “Bashkatdhetarët në Kuvend”, i cili do të mbahet nga 10 deri më 12 gusht.
Sipas njoftimit zyrtar, gjatë këtyre tri ditëve, të gjithë bashkatdhetarët që dëshirojnë ta vizitojnë Kuvendin janë të mirëpritur nga ora 12:00 deri në 16:00.
Vizitorët do të kenë mundësi të njihen nga afër me punën e Kuvendit, të vizitojnë sallën plenare ku merren vendimet për vendin, si dhe të takohen me deputetë të Legjislaturës XI.
“Të dashur bashkatdhetarë, dyert e Kuvendit janë të hapura për ju”, thuhet në njoftimin e Kuvendit.
