Ministria e Punëve të Jashtme e Kuvajtit ka shpallur dy anëtarë të misionit diplomatik të Iranit “persona non grata” dhe ka kërkuar largimin e menjëhershëm të tyre.
Ministria thirri të ngarkuarin me punë të Iranit për të paraqitur një protestë zyrtare ndaj “agresioneve brutale dhe të pamëshirshme” të Iranit, tha ajo në një deklaratë.
Dy diplomatët e përjashtuar duhet të largohen nga Kuvajti brenda 24 orëve, tha ministria, shkruan Al Jazeera.
Sulmet iraniane vranë një person në Kuvajt të mërkurën, plagosën 63 të tjerë si dhe dëmtuan objekte kyçe, përfshirë misionet diplomatike.
Ministria e Jashtme i dënoi sulmet duke theksuar se “rezervon të drejtën e plotë” për t’iu përgjigjur atyre.
