Tri ditë, 113 civil të varë.
Ky është bilanci i një prej krimeve më të rënda të luftës në Kosovë, masakrës në Krushë të Vogël të Rahovecit.
Fshati i vogël, përjetoi ditë tmerri në marsin e vitit 1999.
Për këto mizori, akoma nuk është vendosur tërësisht drejtësi.
Mirëpo, ndryshe prej masakrave të tjera në Kosovë, për disa nga krimet makabre këtu, është dënuar një person.
Ai është Darko Tasiq.
Në rolin e rezervistit të forcave policore serbe, Tasiq u përfshi në disa prej krimeve më të rënda.
Më 26 dhe 27 mars të vitit 1999, bashkë me pjesëtarë të tjerë Policisë së Serbisë, përdhosi kufomat e disa prej të masakruarve, duke i djegur dhe hedhur në lumin Drin.
Sipas aktgjykimit të Gjykatës Themelore të Prizrenit, Tasiq morri pjesë edhe në rrëmbimin, plaçkitjen, vjedhjen e pronës, djegien e shtëpive, si dhe uzurpimin e provave.
Për gjithë këto krime, në gjykimin ndaj tij dëshmuan 16 dëshmitarë.
Darko Tasiq aktualisht ndodhet në vuajtje të dënimit, pasi është i dënuar me 11 vite burgim.
