Shefja e Gripit Parlamentar të VV-së, Mimoza Kusari-Lila, tha se ideja se të dyja palët duhet të japin diçka në procesin e dialogut Kosovë-Serbisë e shfaqur në vitin 2017, filloi edhe faza më e rëndë dhe e rrezikshme e procesit negociator, ajo e shkëmbimit territorial, raporton teve1.info
Kusari-Lila tha se ajo periudhë, e në të cilën udhëheqës i dialogut ishte ish presidenti i vendit, Hashim Thaçi, kishte shkaktuar termet politik në Kosovë.
“Nëse nuk e keni mbajt mend, ajo ide shkaktoi një termet politik në Kosovë dhe një reagim të duhur si nga spektri politik ashtu edhe nga shoqëria civile.
Në pamundësi për t’i dalë ballë kësaj teme dhe peshe të rëndë të cilin nuk e bartte asokohe Qeveria por zyra e presidentit të atëhershëm, u krijua një mekanizëm i ri, ai i radhës së burrave të cilët në kontradiktë edhe me vetveten synonin të merrnin përgjegjësinë të cilin më parë kryeministri i atëhershëm ia kishte deleguar presidentit të vendit.
Ai mekanizëm dhe ajo periudhë do të shënohet si periudha më e keqe në ndonjëherë për Kosovën në procesin negociator.
Prej idesë për shkëmbimin territorial të cilët negociatorët e asaj kohe në Kosovë e Serbi kishin arritur t’i bindnin edhe faktorët ndërkombëtar e deri te mekanizmi antikushtetues pjesë e të cilave u bënë të gjitha partitë në pushtet dhe një parti opozitare formale, dëmi i asaj periudhe ende po e përcjell Kosovën.
Bindja se Kosova duhet të jap diçka mbeti e shënuar edhe tek procesi ndërkombëtar i dialogut në Kosovë dhe Serbi”, tha Kusari-Lila.
