Para nisjes së seancës së 38-të të Kuvendit të Kosovës, deputetja e betuar e Lëvizjes Vetëvendosje, Mimoza Kusari-Lila, ka theksuar nevojën për një qasje konstruktive dhe një vizion të qartë politik në përpjekjet për avancimin e vendit.
“Inati nuk sjell askund asnjë rezultat. Bazimi në inat, në urrejtje, në kundërshti nuk prodhon pozitivitet. Mund të ketë ndonjë efekt afatshkurtër, por vetëm vizioni i qartë, zbatimi i Kushtetutës dhe respektimi i mandateve që i kemi marrë nga qytetarët mund të sjellë rezultat pozitiv për vendin,” deklaroi Kusari-Lila.
Kjo deklaratë vjen në një kohë kur Kuvendi po përballet me sfida për konstituimin e legjislaturës së re dhe formimin e institucioneve të reja qeverisëse.
