Kurti vizitën e tij në ShBA e ka quajtur mjaftë të frytshme, ndryshe nga opozita që vizitën e Kurtit në ShBA e kanë cilësuar si një ekskurzion dhe jo produktive, raporton teve1.info
“Vizitën time mjaft të frytshme në Shtetet e Bashkuara të Amerikës e përmbylla në New York, pas tri ditë takimesh të ndryshme në Massachusetss, Connecticut, Rhode Island. Pata nderin të jem mysafir në World Affairs Forum, organizatë kjo me seli në Stamford të Conneciticut, e cila nga viti 1946 organizon debate publike me liderë, diplomatë, ekonomistë, nobelistë etj., për tema globale në të cilat kanë rol të rëndësishëm Shtetet e Bashkuara të Amerikës”, ka shkruar Kurti.
Tutje, Kurti njoftoi se në ShBA ka folur për të arriturat e qeverisë, dhe për nxitjen e interesimit për investime në Kosovë dhe avancimin e bashkëpunimit me qeverinë amerikane në fushën e mbrojtjes dhe sigurisë.
“Fola për të arriturat e qeverisë sonë dhe për dy qëllimet kryesore të vizitës sime në shtetin mik dhe aleatin tonë më të rëndësishëm: nxitjen e interesimit për investime në Kosovë dhe avancimin e bashkëpunimit me qeverinë amerikane në fushën e mbrojtjes dhe sigurisë”, ka shkruar Kurti.
Po ashtu, Kurti tha se iu ka bërë ftesë biznesmenëve që të investojnë në Kosovë.
“Nga aty u bëra ftesë biznesmenëve amerikanë, ashtu si edhe atyre shqiptaro-amerikanë, që të investojnë në Kosovë për ndërmarrje fitimprurëse për ta dhe për zhvillim edhe më të hovshëm socio-ekonomik për Republikën e Kosovës”, u shpreh Kurti.
Ndryshe, sot kryeministri i Kosovës, Albin Kurti ka udhëtuar për në Zvicër për të marrë pjesë në Forumin Ekonomik Botëror që mbahet në Davos/Klosters./teve1.info
https://teve1.info/lajmet/vizita-e-kurtit-ne-shba-po-vleresohet-jo-produktive/
