Kryeministri i Kosovës, Albin Kurti ka thënë se pasaporta e Kosovës këtë vit renditet me lartë se asnjëherë deri më tani, duke qenë në mesin e top 10 pasaportave të botës që ka shënuar përmirësimin më të madh në dekadën e fundit.
Kurti ka thënë se viti 2024 është vit i pasaportës së Kosovës.
“Viti 2024 është viti i pasaportës sonë. Ajo renditet më lart se kurdoherë në indekset ndërkombëtare të pasaportave, është në mesin e top 10 pasaportave të botës që kanë shënuar përmirësimin më të madh në dekadën e fundit, dhe me të sot mund të udhëtojmë në 38 vende të botës më shumë sesa në vitin e kaluar. Qytetarët tanë tashmë lëvizin lirshëm dhe të pa diskriminuar, pa pasur nevojë të presin para dyerve të ambasadave për të marrë vizë për udhëtime afatshkurtra në shumë shtete. Me liberalizim të vizave, me njohje të pasaportës sonë edhe nga shtete mosnjohëse, po e afrojmë Kosovën, me Evropën dhe përtej”, ka shkruar Kurti.
