Kandidati i Lëvizjes Vetëvendosje për kryeministër, Albin Kurti pas publikimit të rezultateve preliminare, ka thënë se kjo është fitorja më e madhe në vend.
“Urime fitorja më e madhe në historinë e vendit”, ka thënë Kurti në konfrencën për media.
Ai ka thënë se tash i presin punë pa vonesë na formimin e institucioneve.
“Tash na presin shumë punë përpara rezultati i sotëm që na kë bërë të qartë që duhet të ecim përpara pa vonesa. Sa më shpjet që certifikohen rezultatet duhet të t’i formojmë institucionet dhe të vazhdojmë me punë të mira”, tha Kurti.
Kurti ka thënë se janë në rrugë të mbarë për të tejkaluar rezultatin e 14 shkurtit të vitit 2021.
“Jemi në rrugë të mbarë për ta tejkaluar rezultatin e 14 shkurtit të vitin 2021 edhe në kuptimin e numrit absolut të votave, besoj që është një rezultat shumë i kënaqshëm”, u shpreh ai, raporton teve1.info
Kurti u ka bërë thirrje partive opozitare për bashkëpunim në Kuvend për marrëveshjet ndërkombëtar.
“Unë jam interesuar që të bashkëpunojë me opozitën menjëherë për ato marrëveshjet ndërkombëtare që na kanë mbetur”, tha Kurti kur u pyet për bashkëpunimin me partitë tjera.
Lëvizja Vetëvendosje ka fituar 49,62% të votave sipas rezultateve preliminare.
