Kryeministri i Kosovës, Albin Kurti, ka udhëtuar sot drejt New Yorkut të Shteteve të Bashkuara të Amerikës, ku pritet të zhvillojë një sërë takimesh bilaterale me liderë botërorë, në kuadër të Javës së Nivelit të Lartë të Sesionit të 81-të të Asamblesë së Përgjithshme të Kombeve të Bashkuara.
Sipas Zyrës së Kryeministrit, në fokus të këtyre takimeve do të jenë promovimi dhe avancimi i interesave dhe prioriteteve shtetërore të Kosovës në arenën ndërkombëtare.
Gjatë qëndrimit në SHBA, Kurti pritet të zhvillojë takime edhe me përfaqësues të komunitetit shqiptar, drejtues të shoqatave të diasporës, si dhe me investitorë potencialë të interesuar për të investuar në ekonominë e Kosovës.
