Kryeministri në detyrë i Kosovës, Albin Kurti, ka pritur në takim ambasadorin e Suedisë në Kosovë, Jonas Ëesterlund.
Në këtë takim ata kanë diskutuar për mënyrat e thellimit dhe fuqizimit të mëtejmë të marrëdhënieve bilaterale dhe zgjerimit të bashkëpunimit.
“Mbi këtë të fundit në fokus të diskutimit ishte ai me Odën Ekonomike Nordike dhe tërheqjen e investimeve suedeze në Kosovë. Kryeministri Kurti theksoi mundësitë, ofertën dhe potencialin që ofron vendi ynë për investitorë të huaj”, thuhet në komunikatën e Qeverisë.
Gjithashtu ata kanë diskutuar mbi aktualitetin politik në vend.
Tutje theksohet se Kurti e falënderoi ambasadorin Ëesterlund për mbështetjen e vazhdueshme të Suedisë ndaj Kosovës dhe marrëdhëniet e shkëlqyeshme ndërmjet dy vendeve tona./teve1.info/
