Kryeministri në detyrë i Republikës së Kosovës, Albin Kurti, ka pritur në takim komandantin e Misionit të NATO-s në Kosovë (KFOR), gjeneralmajor Özkan Ulutaş.
Sipas njoftimit zyrtar, takimi u zhvillua në kuadër të konsultimeve të vazhdueshme dhe koordinimit të rregullt ndërmjet institucioneve të Kosovës dhe misionit të NATO-s.
Gjatë takimit është diskutuar për situatën e sigurisë në vend dhe rajon, si dhe për bashkëpunimin ndërmjet Qeverisë, institucioneve të sigurisë dhe KFOR-it, me qëllim ruajtjen e paqes dhe stabilitetit.
Kurti ka vlerësuar komunikimin e vazhdueshëm me KFOR-in dhe ka theksuar gatishmërinë e Qeverisë për bashkëpunim të ngushtë, në funksion të krijimit të një mjedisi të sigurt për të gjithë qytetarët.
Në fund të takimit, kryeministri në detyrë e ka falënderuar komandantin Ulutaş për kontributin dhe bashkëpunimin me institucionet e Kosovës./teve1.info/
