Ata se bashku diskutuan mbi bashkëpunimin deri më tani si dhe për format e reja të tij.
Gjatë diskutimit, u fol edhe për rëndësinë që pati programi KAEF dhe karakteri i bashkëpunimit ndërmjet Qeverisë dhe këtij programi.
KAEF është një program arsimor prestigjioz që ofron bursa për studentët e nivelit master në universitetet kryesore të ShBA-së. Deri më tani, mbi 100 studentë premtues kanë përfituar bursa studimi në universitetet më të dalluara amerikane.
Në qershor të vitit 2022, bursistë të KAEF kishin nënshkruar zotimin e tyre për të ofruar pro bono ekspertizën e tyre për Qeverinë e Kosovës dhe institucionet e saj.