Kryeministri i Kosovës, Albin Kurti, ka thënë se Kosova nuk ka pranuar asnjë dokument që shteti i Togos ka tërhequr njohjen e Kosovës, ashtu siç kishte deklaruar ministri i Punëve të Jashtme, Integrimit Rajonal dhe Diasporës i Togos, Robert Dussey, më 16 janar.
Kurti këto deklarime i ka bërë pas pyetjes së deputetes së PDK-së, Ariana Muliu-Shoshi, për këtë çështje.
Ai ka thënë se nga diskutimet diplomatike me nuk ka asnjë indikacion e aq më pak dokument që Togo ka shkëputur raportet diplomatike për Kosovën.
“Nuk kemi pranuar vendim nga Togo për një vendim të tillë,për tërheqjen e njohjes. Në korrospodencat tona diplomatike me Togon nuk kemi asnjë indikacion e aq më pak dokument apo vendim për shkëputje të marrëdhënieve diplomatike”, ka thënë Kurti, raporton teve1.info.
Ai ka thënë se fushata e Serbisë për tërheqjen e njohjeve të Kosovës ka vazhduar pa u ndaluar, madje edhe ma moratoriumit në Shtetet e Bashkuara të Amerikës .
Kurti ka thënë se pas shtatorit të vitit 2021 Ministria e Jashtme e Kosovës ka identifikuar mbi 125 raste ku Serbia ka bërë fushatë për tërheqje të njohjeve të Kosovës, po që sipas tij kanë rezultuar pas sukses.
Fushatat e tilla të Serbisë nuk janë ndaluar asnjëherë as pas marrëveshjes së moratoriumit në SHBA.
Për gjatë një viti të këtij moratoriumi ajo ka bërë fushatë të tillë në së paku 30 raste të cilat i ka identifikuar MPJD, ndërsa pas shtatorit të vitit 2021 e deri më sot janë identifikuar mbi 125 raste të kësaj fushate të Serbisë, por pa sukses, kanë dështuar.
