Kryeministri në detyrë, Albin Kurti u ka shprehur ngushëllime familjeve të prekura nga sulmi me armë zjarri që ndodhi mëngjesin e së martës në një shkollë të mesme në Graz të Austrisë.
Kurti nëpërmjet një postimi në platformën “X”, ka thënë se të gjithë kanë të drejtë për siguri dhe mjedis ku mund të mësojnë pa frikë dhe kërcënim.
“Të gjithë kanë të drejtën themelore për siguri dhe një mjedis ku mund të mësojnë pa frikë dhe kërcënim. Në emër të popullit dhe Qeverisë së Kosovës, u shpreh ngushëllime familjeve të prekura dhe shpreh solidaritetin tonë me popullin e Austrisë”, ka shkruar Kurti.
We are deeply saddened by the tragic school shooting in Graz. Everyone has the fundamental right to safety and to an environment where they can learn free from fear and threat. On behalf of the people and government of Kosova, I extend our heartfelt condolences to the affected…
— Albin Kurti (@albinkurti) June 10, 2025
Ndryshe, të martën një ish-nxënës i një shkolle të mesme në Graz të Austrisë, ka hapur zjarr në këtë shkollë, duke vrarë nëntë persona, përfshirë edhe veten.
Disa të vrarë nga një sulm me armë zjarri në një shkollë në Austri
