Kryeministri i Kosovës, Albin Kurti ka pritur në takim pjesëmarrësit e Forumit të 20-të Ekonomik të Vjenës, i cili këtë vit do të mbahet në Kosovë.
Ai këtë e ka bërë të ditur përmes një postimi në Twitter. Kurti ka shkruar bashkëpunimi ekonomik midis demokracive është mundësi për krijimin e shoqërive të drejta.
“Sonte mirëprita pjesëmarrësit e Forumit të 20-të Ekonomik të Vjenës, të cilin e kemi nderin ta presim këtë vit në Kosovë. Bashkëpunimi ekonomik midis demokracive jo vetëm që gjeneron pasuri, por gjithashtu mbështet vlerat tona të përbashkëta, duke krijuar shoqëri më të drejta dhe më të prosperuara për qytetarët tanë”, ka shkruar Kurti, përcjell teve1.info.
Në mbledhjen e mbajtur më 26 prill, Qeveria e Kosovës kishte ndarë 15 mijë euro për organizimin e Forumit Ekonomik të Vjenës në Prishtinë.
Tonight I welcomed attendees of the 20th Vienna Economic Forum, which we're honored to host this year in Kosova. Economic cooperation between democracies not only generates wealth, but also supports our shared values, creating fairer & more prosperous societies for our citizens. pic.twitter.com/UeOyD8PEDt
— Albin Kurti (@albinkurti) May 7, 2023
