Kryeministri në detyrë i Kosovës, Albin Kurti ka thënë se gjatë qeverisjes së tij ka pasur shtesa për nëna lehona dhe fëmijë.
Kurti ka krahasuar gjendjen aktuale me atë të katër viteve më parë, duke theksuar se para katër viteve nënat lehona dhe fëmijët nuk kanë marrë asnjë cent mbështetje financiare nga shteti.
“Në Republikën tonë gjithmonë ka pasur nëna lehona dhe fëmijë. Por vetëm falë qeverisjes sonë do të ketë gjithmonë shtesa dhe mbështetje për nënat lehona dhe fëmijët. Nënat e reja tash marrin 325.9 euro në muaj nga 170 euro sa merrnin deri në muajin e kaluar. E para katër vjetëve nuk merrnin asnjë cent mbështetje financiare nga shteti”, ka shkruar kryeministri./teve1.info/
