Kryeministri i Kosovës, Albin Kurti, së bashku me zëvendëskryeministrin, Besnik Bislimin, kanë pritur në takim lamtumirës ambasadorin e Norvegjisë në Kosovë, Jens Erik Grondahl.
Zyra e Kryeministrit ka njoftuar se Kurti ka shprehur mirënjohja për kontributin e shtetit norvegjez, ku k thënë se Norvegjia është dhe mbetet partnerja më e rëndësishmja.
“Kryeministri shprehu mirënjohjen e thellë të tij për kontributin e shtetit norvegjez dhe ritheksoi se Norvegjia është dhe mbetet partnerja jonë e rëndësishme me të cilën ndajmë vlera, bindje dhe pikëpamje për sigurinë dhe paqen në rajon e më gjerë”, thuhet në njoftim.
Tutje, është bërë e ditur se krahas takimit në zyrën e Kurtit, për nder të ambasadorit Grondahl, është shtruar mëngjes i përbashkët me këshilltarët e angazhuar në Qeveri ndërmjet mbështetjes së ambasadës norvegjeze.
“Të dy falënderuan ambasadorin Grøndahl për bashkëpunimin e shkëlqyer në mes të dy vendeve, si dhe për angazhimin dhe përkushtimin e tij në këtë drejtim, duke i uruar atij suksese në angazhimet dhe përgjegjësitë e radhës”, thuhet mes tjerash në njoftim. /teve1.info/
