Në 28-vjetorin e masakrës së Qirezit dhe Likoshanit, kryeministri i Kosovës, Albin Kurti, bashkë me Kryetaren e Kuvendit, Albulena Haxhiu, dhe deputetë të tjerë, bënë homazhe në nderim të shqiptarëve të vrarë nga forcat serbe më 28 shkurt 1998.
Kurti tha masakra e Qirezit dhe Likoshanit u bë ndërgjegjësim për gjithë popullin , por edhe ngriti vetëdijesimin e i kancelarive diplomatike botërore.
“Për 28 orë rresht, forcat armike të Serbisë sulmuan popullsinë këtu. U bë një ndërgjegjësim i madh i popullit, jo vetëm në Kosovë, por anë e mbanë trojeve që shqiptarët i popullojnë në Ballkan, si dhe në mërgatën tonë. Filloi edhe një vetëdijesim gjithnjë e më i madh i kancelarive diplomatike botërore, por njëkohësisht edhe i opinionit publik ndërkombëtar”, tha ndër të tjera Kryeministri Kurti gjatë homazheve.
