Kryeministri i vendit, Albin Kurti dhe ministri i Shëndetësisë, Arben Vitia kanë vizituar sot Klinikën e Onkologjisë në Qendrën Klinike Universitare të Kosovës, për të parë nga afër vënien në funksion të akseleratorit të dytë.
Pas kësaj vizite, Kurti deklaroi se pas përurimit të aparatit të dytë për rrezatimin e pacientëve të sëmurë me kancer në Klinikën e Onkologjisë, me shumë gjashë listat e pritjes do të largohen brenda këtij viti, përcjell teve1.info
“Sipas drejtorit, Ilir Kurtishi kjo kohë do të bie në zero, me shumë gjasa brenda këtij viti. Pra nga gjashtë deri në 8 javë sa ka qenë koha e pritjes në listat e pacientëve, tash listat e tilla nuk do të jenë më, shumë shpejt për çështje pak muajve, sepse e kemi edhe akseleratorin e dytë”, tha kreu i Ekzekutivit.
Po ashtu, ai theksoi se akseleratori i dytë është i teknologjisë moderne.
“I cili është i tekonioloigjisë më moderne, që në kuadër të radioterapisë bën rrezatimin me rreze jonizuese, me saktësi maksimale në luftimin e tumoreve duke mos dëmtuar edhe indet e tjera rrotull. Ajo që është e re me këtë pajisje, është fakti se kjo teknologji e fundit i përshtatet sipërfaqës së tumorit, dhe në këtë mënyrë arrin të mos bëjë dëme anësore”, shtoi kryeministri Kurti.
Siç bëri të ditur ai, vlera e akseleratorit është 1 milion e 444 mijë euro. /Teve1.info/
