Kryeministri i Kosovës, Albin Kurti, në përvjetorin e 74-të të themelimit të NATO-s, ka thënë se Kosovës është vendi më i rëndësishëm në historinë e saj.
Kurti ka thënë se NATO e pësuar nga ndërhyrja ushtarake tokësore bashkë me luftën e drejtë të Ushtrisë Çlirimtare të Kosovës, i sollën lirinë Kosovës.
“Që nga atëherë, misioni i NATO-s në Kosovë, KFOR-i, është partneri kryesor i institucioneve të Kosovës për siguri në vend”, ka thënë Kurti përmes një postimi në Facebook.
Sipas Kurtit, 24 vite më parë, më 24 mars 1999, NATO nisi operacionin ushtarak më të madh në historinë e saj.
“Deri më 10 qershor, për 78 ditë rresht, trupat e NATO-s e bombarduan nga ajri Jugosllavinë, me qëllim që të ndalonin spastrimin etnik dhe gjenocidin e ushtruar nga Serbia e Sllobodan Millosheviqit mbi shqiptarët në Kosovë”, ka thënë tutje kryeministri.
Kurti ka thënë se Kosova do të vazhdojë t’i ndjekë hapat e nevojshëm për anëtarësimin në NATO.
“Bashkë me kujtimet plot mirënjohje që Kosova ruan për historinë e angazhimit të NATO-s për tu çliruar, Republika e Kosovës do të vazhdojë të ndjekë hapat e nevojshëm brenda institucioneve të saj dhe në arenën ndërkombëtare, drejt anëtarësimit tonë në NATO. Në Defender Europe 21 morëm pjesë me 330 ushtarë, ndërkaq këtë pranverë në Defender Europe 23 do të marrim pjesë me 1.365 ushtarë”, ka shkruar mes tjerash Kurti. /teve1.info/
