Kryeministri në detyrë i Kosovës, Albin Kurti ka përsëritur qëndrimin se bisedimet për bashkëpunim me partitë tjera do t’i nisë pas certifikimit të rezultatit të zgjedhjeve të 7 qershorit.
Këtë qëndrim ai e ka thënë edhe të mërkurën në një deklarim për media.
“Së pari duhet të presim certifikim e rezultateve dhe më pastaj pa humbur kohë do të kemi komunikimet dhe diskutimet e nevojshme”, tha Kurti.
Kurti ka thënë se për çështjen e presidentit duhet të ketë një kandidat konsensual.
Nga LDK kanë shprehur gatishmëri për bashkëpunim me LVV-në, duke theksuar se Vjosa Osmani është kandidatja e tyre për presidente.
Kurse, nga Partia Demokratike e Kosovës janë shprehur se për formim të institucioneve duhet marrëveshje politike para konstituimit të Kuvendit dhe votimit të Qeverisë.
KQZ të shtunën ka shpallur rezultatet përfundimtare të zgjedhjeve të 7 qershorit, ndërsa që në PZAP janë dërguar 5 ankesa./teve1.info/
