Kryeministri i Kosovës, Albin Kurti, ka falënderuar deputetët të cilët kanë votuar për Institutin për krimet e kryera gjatë luftës në Kosovë, ku do të adresohen krimet e Serbisë në luftën e vitit 1989-1999.
Kurti ka shkruar në Facebok se edhe pas 24 viteve nuk ka shifra që do të mund të tregonin dëmet nga lufta.
“Falënderoj secilën e secilin deputet që me votën e tyre po e jetësojmë Institutin për krimet e kryera gjatë luftës në Kosovë, që do të adresojë krimet e Serbisë në luftën e viteve 1998-1999. Kemi përjetuar dëme shkatërruese që asnjëherë nuk i kemi matur tamam. As 24 vite pas, nuk kemi shifra që do të mund të na tregonin dëmet nga lufta në vendin tonë”, ka shkruar kryeministri në Facebook.
Kryeministri ka shkruar se Serbia duhet të mbajë përgjegjësi për krimet e luftës, krimet kundër njerëzimit dhe veprimet gjenociadiale të kryera në Kosovë.
“Dëmet e shkaktuara dhe vuajtjet e përjetuara nuk janë statistika, por duhen edhe statistikat për ta kuptuar përmasën e padrejtësisë. Për të pasur një hartë të detajuar mbi të gjitha krimet e luftës se ku, çka, si dhe ndaj kujt u ushtruan ato krime në luftën e fundit. Për institucionalizimin, mbrojtjen dhe ruajtjen e kujtesës kolektive, e cila do të na shërbejë edhe neve edhe brezave pas nesh. Serbia duhet mbajtur përgjegjëse për krimet e luftës, krimet kundër njerëzimit dhe veprimet gjenocidale të kryera në Kosovë. Republika e Kosovës nuk mund të harrojë”, ka shkruar tutje ai./teve1.info/
