Kryeministri i Kosovës, Albin Kurti ka njoftuar se e ka ftuar presidentin e Kenias, William Ruto që të hap ambasadë në Kosovë.
Kurti ka thënë se këtë propozim ia ka bërë gjatë një telefonate që ka pasur të mërkurën me Ruton pas Kenia e ka njohur zyrtarisht Kosovën.
Ai po ashtu ka bërë të ditur se me presidentin e Kenias kanë rënë dakord që hapi tjetër të jetë vendosja e marrëdhënieve diplomatike.
“Sot është një ditë historike për Kosovën, pasi Kenia e ka njohur zyrtarisht republikën tonë. Pata kënaqësinë të flisja me presidentin Ëilliam Ruto pas këtij momenti historik. Ftuam njëri-tjetrin për vizita zyrtare dhe ramë dakord që hapi tjetër të jetë vendosja e marrëdhënieve diplomatike. Krenar dhe i nderuar nga kjo arritje, i bëra një ftesë Kenias për të hapur një ambasadë në Prishtinë. Dy vendet tona ndajnë një histori sakrificash të mëdha për liri dhe pavarësi. Pres me padurim thellimin dhe zgjerimin e bashkëpunimit tonë në kulturë, tregti dhe investime, në një postim në platformën “X”
Today is a historic day for Kosova, as Kenya has officially recognized our republic. I had the pleasure of speaking with President William Ruto following this milestone. We invited each other for official visits and agreed that the next step should be establishing diplomatic…
— Albin Kurti (@albinkurti) March 26, 2025
Republika e Kenias e ka njohur shtetin e Kosovës, duke u bërë shteti i 118-të që e ka njohur pavarësinë e Kosovës.
