Kryeministri i Kosovës, Albin Kurti është pyetur gjatë një paraqitje para mediave në Qendrën Klinike Universitare (QKUK) rreth rastit të Faton Hajrizit, që dyshohet se është vrarë në Serbi.
Kurti para mediave ka thënë se Ministria e Brendshme dhe ajo e Drejtësisë e trajtojnë këtë çështje, shkruan teve1.info
“Ministria e Brendshme dhe ajo e Drejtësisë e trajtojnë. Nuk kam nevojë ta bëj edhe punën e ministrit, besoni që kam shumë punë si kryeministër”, ka thënë ai.
Ndryshe, Ministria e Punëve të Jashtme dhe Diasporës dje ka njoftuar se sipas analizave të shenjave të gishtrinjëve personi i vrarë në Serbi është Faton Hajrizi.
Në një njoftim të MPJD-së, thuhet se Drejtoria e Bashkëpunimit Ndërkombëtar Policor – ILECU e Policisë së Kosovës se autoritetet serbe, më datë 22/07/2024, kanë dërguar shenjat e gishtërinjve të një personi dhe të njëjtat shenja së bashku me shenjat e gishtërinjve të qytetarit të Kosovës, Faton Hajrizi, janë përcjellë në Agjencinë e Kosovës për Forenzikë./teve1.info
MPJD: Sipas analizave të shenjave të gishtërinjve, personi i vrarë në Serbi është Faton Hajrizi
