Kryeministri i Kosovës, Albin Kurti është pritur në një takim nga presidentja e Parlamentit Evropian, Roberta Metsola.
Aplikimi i Kosovës për anëtarësim në BE, konkludimi i procesit të liberalizimit të vizave dhe niveli i zbatimit të MSA-së ishin tema diskutimi veç të tjerash.
“Ai e falënderoi Parlamentin Evropian për mbështetjen e aplikimit të Kosovës në BE dhe në Këshillin e Evropës, krahas asaj për liberalizimin e vizave”, thuhet në njoftimin e Zyrës së Kryeministrit.
Përveç kësaj, temë diskutimi ishte edhe takimi i 18 marsit në Ohër.
“Në takim u folë edhe për Strategjinë e Energjisë 2022-2031, e miratuar javën e kaluar në Kuvend, dhe për qasjen e planet e Qeverisë për investime në energji të ripërtritshme. Bashkimi Evropian i ka dhënë Kosovës mbështetje të vazhdueshme në këtë sektor, përfshirë këtu pakon mbështetëse në përballje me krizën energjetike në vlerë prej 75 milionë euro, të shkaktuar nga agresioni ushtarak rus në Ukrainë”, njofton Zyra e Kryeministrit.
