Kryeministri, Albin Kurti, ka përkujtuar sakrificën e familjes Jashari në Epopenë e Ushtrisë Çlirimtare të Kosovës.
Kurti në mbledhjen solemne të Qeverisë, ka deklaruar se Epopeja e UÇK-së e ka vetëm një adresë, lirinë nga pushtuesi serb dhe vetëm një horizont bashkimin tonë.
Tutje, kryeministri ka deklaruar se qeverisja aktuale është në udhën e përcaktuar nga Epopeja.
“Epopeja e UÇK-së e ka vetëm një adresë, lirinë nga pushtuesi serbë dhe vetëm një horizont bashkimin tonë. Meqë ka adresë dhe horizont, pra shenjë dhe vision ngjarja e madhërishme e marsit 1998 është ngjarje e përkryme. Një ngjarje e përkryer që nuk na lejon asnjë hezitim asnjërit… Që nga ajo ditë çdo politike e jona është në parim e përcaktuar. Emri Epope për një ngjarje të tillë nuk është vetëm emer për ato tri ditë, por për tërë kohën liridashës dhe shtetformuese që i qëndron besnike … çlirimtar të shpallur me 5,6 dhe 7 mars”, ka thënë Kurti.
Më tej, ai ka thënë se sovraniteti është emancipim, e çdo lëshim në kufi a veri ishte korruptim i sovranitetit në të kaluarën.
“Çlirimi i një populli e sovranizimi përbën lirinë që fitohet e që mbrohet. Sovraniteti është emancipim, e çdo lëshim në kufi a veri ishte korruptim i sovranitetit në të kaluarën. Ne kemi shpallur zotimet tona për luftë ndaj korrupsionit e krimit të organizuar. Burimi i krimit është në vendet ku është bërë kompromis me lirinë”, ka deklaruar Kurti.
