Kryeministri i Kosovës, Albin Kurti dhe ministrja e Arsimit, Arbërie Nagavci kanë marrë pjesë në ceremoninë e ndarjes së mirënjohjeve dhe shpërblimeve simbolike për fituesit e garave në nivel vendor dhe fituesit e garave kredibile në nivelin ndërkombëtar.
Kryeministri Kurti tha se në 21 shkolla aktualisht janë 12 profile me 920 nënës, por që shtoi se synojnë që ky numër të rritet me qëllim që të kenë ndikim në ekonomi i mirëqenie.
“I kemi 12 profile të mësimit dual, në 21 shkolla në 14 komuna anë e mbanë Kosovës dhe 920 nxënës janë gjithsej. Ne dëshirojmë që ky numër të rritet shumë më tepër se sa që është aktualisht. Për të mirën e ekonomisë sonë dhe të mërqinjës sonë. Dëshirojmë që qytetarët e Kosovë ta fitojnë mirëqenien, t’i fitojnë të ardhurat nëpërmjet punës, e më së miri kjo bëhet kur puna dhe shkolla lidhen bashkë”, tha Kurti.
Kurse, ministrja e Arsimit, Arbërie Nagavci, tha se së bashku me kryeministrin po shohin vetëm pas një viti dyfishim të fituesve në këto gara, gjë që sipas saj, kjo Ministri po e bën punën si duhet.
Nagavci është shprehur e gëzuar dhe e kënaqur me suksesin që kanë arritur ata.
“Fundviti vjen i mbarë dhe gëzueshëm për ju, me mirënjohje dhe dhurata të cilat me kënaqësi i ndajmë sot me ju dhe familjet tuaja. Është ndjenjë e veçantë të ju kemi të gjithëve këtu dhe të ndajmë së bashku suksesin që ju tashmë e keni arritur”, u shpreh Nagavci.
