Kryeministri në detyrë i Republikës së Kosovës, Albin Kurti, ka pritur të hënën në takim zëvendëspresidentin dhe përfaqësues të kompanisë Ericsson.
Siç bëhet e ditur në komunikatë, gjatë takimit është diskutuar për mundësitë e thellimit të bashkëpunimit, ndërsa përmes bashkëpunimit me gjigantin e telekomunikimit Ericsson, është modernizuar rrjeti në vend dhe është mbuluar i gjithë territori i Republikës me rrjetin 4G dhe 5G.
Gjithashtu, është biseduar edhe për investimet e mundshme në të ardhmen në fushën e telekomunikacionit, ku kompania Ericsson ka zhvilluar projekte me sukses përgjatë viteve në shtete të tjera të Evropës.
“Kryeministri Kurti i falënderoi përfaqësuesit për vizitën në Kosovë dhe bisedën. Në mesin e delegacionit të kompanisë suedeze ishte edhe Florijeta Mulolli nga Kosova, ish-këshilltare e Drejtorit Ekzekutiv të Ericsson dhe tani në rolin e Drejtoreshës së Lartë të Llogarive”, theksohet në komunikatë./teve1.info/
