Kryeministri i Kosovës, Albin Kurti, dhe ministri i Mbrojtjes, Ejup Maqedonci, të mërkurën në Forumin e Varshavës për Siguri, kanë takuar ministrin e Mbrojtjes së Estonisë, Hanno Pevkur.
Në komunikatë thuhet se, në këtë takim kryeministri Kurti dhe ministri Pevkur, kanë shprehur vullnetin dhe gatishmërinë për t’i zgjeruar edhe më tej marrëdhëniet dypalëshe.
Po ashtu, krahas bashkëpunimit në fushën e digjitalizimit dhe sigurisë kibernetike, ku Kosova po përfiton nga përvojat dhe ekspertiza e Estonisë, gjatë bashkëbisedimit është diskutuar edhe rreth mundësive për bashkëpunim në fushën e mbrojtjes.
Sipas komunikatës, Kurti ka theksuar se mbështetja e Estonisë është shumë e rëndësishme në forcimin e kapaciteteve mbrojtëse të Kosovës dhe rolin e saj kontribues në stabilitetin e rajonit.
Ai gjithashtu e ka falënderuar ministrin Pevkur për mbështetjen e vazhdueshme të Estonisë ndaj Kosovës në rrugëtimin e saj integrues në Bashkimin Evropian./teve1.info/
