Kryeministri i vendit, Albin Kurti ka pritur sot në takim ambasadorin e Gjermanisë në Kosovë, Jorn Rohde.
Përmes një njoftimi, theksohet se dyshja diskutuan për marrëdhëniet bilaterale dhe bashkëpunimin ndërmjet Kosovës dhe Gjermanisë, si dhe temat aktuale dhe zhvillimet e fundit në vend, raporton teve1.info
Ndërsa bëhet e ditur se ambasadori Rohde i dhuroi kryeministrit Kurti një kopje të librit “Gjermania dhe Kosova: Historia e një partneriteti”.
“Gjatë këtij takimi, kryeministri Kurti pranoi nga ambasadori gjerman Rohde një kopje të librit ‘Gjermania dhe Kosova: Historia e një partneriteti’ nga autorët Enrico Seeëald dhe Urs Unkauf, që përshkruan dhe shtjellon historikun e raporteve të shkëlqyeshme ndërmjet dy shteteve dhe popujve. Krahas falënderimit për librin, kryeministri e falënderoi ambasadorin Rohde për bashkëpunimin e afërt, dhe shtetin gjerman për mbështetjen e vazhdueshme ndaj Kosovës”, bëhet e ditur në njoftimin e Zyrës së Kryeministrit.
