“Nuk mendoj që duhet të spekuloj për spekulimet”, kjo ka qenë përgjigjja e kryeministrit, Albin Kurti, lidhur me deklaratën e zëdhënësit të BE-së, Peter Stano, i cili ka thënë se nuk ka nevojë për spekulime i pyetur rreth në deklarate të zëvendëskryeministrit Bislimi se në bazë të informacioneve që ai ka Kosovës do t’i hiqen masat.
Këtë deklaratë Kurti e ka bërë të martën para gazetarëve ku mori pjesë në përurimin e punimeve në Klinikën e Gjinekologjisë.
Besnik Bislimi tha ditë më parë se “ka informacione” që Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, në raportin e tij “pritet të rekomandojë” heqjen e sanksioneve ndaj vendit.
Ndërkaq pyetur rreth këtyre “informacioneve të Bislimit” zëdhënësi i BE-së, Peter Stano, tha se “nuk ka nevojë për spekulime”
Përfaqësuesi i Lartë i BE-së, Jose Borrell ka përfunduar raportin lidhur me heqjen e masave ndaj Kosovës, i cili do të shqyrtohet nga Këshilli Evropian.
Masat e vendosura vitin e kaluar nga BE, e cila e bënte Kosovën përgjegjëse për eskalimin e situatës në veri, Kosova vazhdimisht i kishte cilësuar si të padrejta./teve1.info/
